Կոմիտաս Վարդապետի ծննդյան 155-ամյակին նվիրված՝ «Զվարթնոց» պատմամշակութային արգելոց-թանգարանում կազմակերպվել էր «Դու Ամենայն Հայոց Երգի Վեհափառն ես» խորագրով միջոցառում։
ՀՀ ԿԳՄՍՆ «Պահպանության ծառայություն»ՊՈԱԿ-ը Lore Travel տուրիստական գործակալության հետ կազմակերպել է Հայաստանի մի շարք տուրիստական ընկերությունների շրջայց Լոռի բերդ բնակատեղի պատմամշակութային արգելոցում:
ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում տեղի է ունեցել հանդիպում-քննարկում Ավստրիացի հայագետ, Զալցբուրգի համալսարանի Քրիստոնյա Արևելքի հետազոտությունների կենտրոնի տնօրեն, պրոֆեսոր Յասմին Դում-Թրագուտի հետ: Կողմերը քննարկել են ՀՀ տարածքում՝ հատկապես սահմանամերձ շրջաններում գտնվող պատմական հուշարձանների պահպանությանը վերաբերող հարցեր: Ավստրիացի հնագետը պատրաստակամություն է հայտնել աշխատանքներ իրականացնել հայկական վտանգված հուշարձանների՝ «Կապույտ վահան» միջազգային կազմակերպության ցուցակում ընդգրկելու ուղղությամբ: «Պահպանության ծառայություն» ՊՈԱԿ-ի տնօրենի պարտականությունները կատարող Արմեն Հովհաննիսյանը, բարձր գնահատելով հայտնի հայագետի կատարած աշխատանքը, շնորհակալություն է հայտնել սրտացավ վերաբերմունքի և կառուցողական առաջարկի համար և վստահեցրել է, որ հնարավոր բոլոր միջոցներով կաջակցեն Յասմին Դում-Թրագուտի նախաձեռնությանը:
