«Պատմամշակութային արգելոց-թանգարանների և պատմական միջավայրի պահպանության ծառայություն» -ը (նաև՝ «Պահպանության ծառայություն») պետական ոչ առևտրային կազմակերպություն է, որը գործում է ՀՀ ԿԳՄՍ  նախարարության ենթակայությամբ։ Կազմակերպությունն  իրականացնում է գիտալուսավորչական, գիտատեղեկատվական, մշակութային գործունեություն, մասնավորապես` պատմական, հնագիտական, ճարտարապետական կամ այլ մշակութային արժեք ներկայացնող անշարժ հուշարձանների, հուշարձանախմբերի ուսումնասիրում, պահպանում, վերականգնում,  հանրահռչակում և նպատակային օգտագործում, պատմական միջավայրի ամբողջական պահպանում։

Կազմակերպության ենթակայության և վերահսկողության տակ են գործում 22 արգելոց ու արգելոց թանգարան, այդ թվում՝ «Զվարթնոց», «Գառնի» , «Գլաձորի համալսարան» պատմամշակութային արգելոց-թանգարանները, «Մեծամոր» պատմահնագիտական արգելոց-թանգարանը,  «Զորաց քարեր» բնակատեղի», «Հին Խնձորեսկ», «Լոռի բերդ» քաղաքատեղի», «Ամբերդ ամրոց» պատմամշակութային արգելոցները, «Արփի» բնապատմական արգելոցը։

Հանրապետության ողջ տարածքում  25․000-ից ավելի հուշարձաններ վերահսկվում ու պահպանվում են կազմակերպության 11 մարզային ծառայությունների միջոցով։

«Պահպանության ծառայություն» ՊՈԱԿ-ը հրատարակել է գիտատեղեկատվական, գիտահանրամատչել  102 անուն գիրք։

ՊՈԱԿ-ի արգելոցներում ու արգելոց- թանգարաններում  կազմակերվպում են թեմատիկ գիտաժողովներ, ցուցահանդեսներ,  փառատոններ, դասական երաժշտության երեկոներ,  հայտնի դիջեյների մասնակցությամբ միջոցառումներ։

ՊՈԱԿ-ը նաև սերտ համագործակցում է կրթական հաստատությունների հետ՝  իրականացնելով հեղինակային կրթական ծրագրեր։