«Վանքից Վանք» նախաձեռնության շրջանակներում դրա հեղինակները՝ Եգանյան Դավիթը, Ջանինյան Տիրանը,Ղարդաշյան Ջուլիետան, Պատմական միջավայրի պահպանության (ՊՄՊ) Տավուշի մարզային ծառայության և Տավուշի թեմի աջակցությամբ, ինչպես նաև մի խումբ ակտիվ երիտասարդների և դպրոցականների մասնակցությամբ իրականացնում են Տավուշի մարզի վանական համալիրների մաքրման, բարեկարգման աշխատանքներ:
Սևանա լճի արևմտյան ափամերձ տարածքում, Սևան-Վարդենիս մայրուղին հատող, Երանոս գյուղից մոտ 5,5 կմ հյուսիս ընկած և Կարմիրգյուղ ու Գեղարքունիք համայնքների վարչական տարածքների սահմանաբաժանին գտնվող Քանագեղի բնակատեղին ու դամբարանադաշտը վաղուց հայտնի են մասնագետներին: 1960-ական թթ. այստեղ չափագրման աշխատանքներ է իրականացրել հնագետ Գեդեոն Միքայելյանը, իսկ 1981 թ. մայրուղու շինարարության ժամանակ բացված 2 դամբարաններ պեղել է հնագետ Գրիգոր Արեշյանը: Դամբարանադաշտը զբաղեցնում է մի-քանի տասնյակ հեկտար տարածք, որի զգալի մասը 1980-ական թթ. մելիորացիոն աշխատանքների արդյունքում զրկվել է արտաքին հատկանիշներից: Հնավայրում պեղումները շարունակվել են 1999-2002 թթ. ՀՀ ԳԱԱ Հնագիտության և ազգագրության ինստիտուտի արշավախմբի կողմից (ղեկավար՝ Աշոտ Փիլիպոսյան):
Սևանա լճի արևմտյան ափամերձ տարածքում, Սևան-Վարդենիս մայրուղին հատող, Երանոս գյուղից մոտ 5,5 կմ հյուսիս ընկած և Կարմիրգյուղ ու Գեղարքունիք համայնքների վարչական տարածքների սահմանաբաժանին գտնվող Քանագեղի բնակատեղին ու դամբարանադաշտը վաղուց հայտնի են մասնագետներին: 1960-ական թթ. այստեղ չափագրման աշխատանքներ է իրականացրել հնագետ Գեդեոն Միքայելյանը, իսկ 1981 թ. մայրուղու շինարարության ժամանակ բացված 2 դամբարաններ պեղել է հնագետ Գրիգոր Արեշյանը: Դամբարանադաշտը զբաղեցնում է մի-քանի տասնյակ հեկտար տարածք, որի զգալի մասը 1980-ական թթ. մելիորացիոն աշխատանքների արդյունքում զրկվել է արտաքին հատկանիշներից: Հնավայրում պեղումները շարունակվել են 1999-2002 թթ. ՀՀ ԳԱԱ Հնագիտության և ազգագրության ինստիտուտի արշավախմբի կողմից (ղեկավար՝ Աշոտ Փիլիպոսյան):
Զբոսաշրջային ծառայություններ մատուցող կազմակերպություններին, անհատներին, խմբերի ղեկավարներին և այցելուներին ՀԻՇԵՑՆՈՒՄ ԵՆՔ, որ «Գառնի», «Զվարթնոց», «Մեծամոր», «Ամբերդ ամրոց», «Լոռի բերդ» քաղաքատեղի», «Բջնի ամրոց», «Զորաց քարեր» արգելոց և արգելոց-թանգարաններ մուտքը տոմսերով է։ Հաճախակիացած փորձերը առանձին կազմակերպությունների, անհատների, խմբերի ղեկավարների կողմից անվճար մուտք գործելու վերը նշված մասնաճյուղեր խստագույնս կանխվելու են, նման փորձ կատարած անբարեխիղճ տնտեսվարողների նկարները, անունները, հետայսու հանրայնացվելու են։ Հիշեցնում ենք որ տոմսային տնտեսությունը ապահովում է ֆինանսական միջոցներ, որոնք ներդրվում են ՀՀ տարածքում հաշվառված 25000 հուշարձանների, 16 արգելոց և արգելոց-թանգարանների ենթակառուցվածքների ստեղծման, զարգացման, պահպանության, հանրահռչակման ուսումնասիրության տարբեր ծրագրերում։
Հուլիսի 24-ին Գառնու Հեթանոսական տաճարում Գառնիի համայնքապետարանի և Կոտայքի մարզպետարանի կողմից կազմակերպված տոնական միջոցառման շրջանակներում նշվեց Վարդավառը։ Տոնական միջոցառումներով պայմանավորված, «Գառնի» պատմամշակութային արգելոց-թանգարանի մուտքը հուլիսի 24-ին, ժամը 12։00-16։00 այցելուների համար ազատ էր։ Միջոցառումը մեկնարկեց Գառնիի Մարզամշակութային կենտրոնի երգի և պարի խմբերի կատարումներով, ցուցադրվեցին Գառնիի գեղարվեստի դպրոցի սաների աշխատանքները, իսկ «Արորդիների ուխտ» հ/կ-ն կատարեց հեթանոսական ծես՝ նվիրված Վարդավառին։
Սիրով հրավիրում ենք Ձեզ «Զորաց Քարեր» բնակատեղի» պատմամշակութային արգելոց, մասնակցելու կրթամշակութային ծրագրի, որի շրջանակներում հնարավորություն կստանաք.
Մասնագետների հետ շրջել և ծանոթանալ հուշարձանին.
Տարբեր հարթակներում զրուցելու հնաաստղագիտության և տիեզերքի մասին.
Աստղադիտակների միջոցով դիտել աստղեր, համաստեղություններ .
Դիմավորել արևածագը արգելոցի տարածքում.
Միջոցառման շրջանակներում նախատեսվում է նաև թեմատիկ երաժշտական ծրագիր.
Միջոցառման վայրը՝ «Զորաց Քարեր» բնակատեղի» պատմամշակութային արգելոց
Միջոցառման մեկնարկը՝ օգոստոսի 10, ժամը 19։00
ՊՄՊ Արարատի մարզային ծառայության աշխատակիցները խոտածածկույթից մաքրել են «Տափի բերդ» /Գևորգ Մարզպետունու/ ամրոցի ներսի հատվածը, բնակելի և տնտեսական թաղածածկ շինությունները, պարսպի ներսում գտնվող եկեղեցու շրջակայքը /XIII դ./։
ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի հնագիտական արշավախումբը պատմ. գիտ. դոկտոր, պրոֆեսոր Աշոտ Փիլիպոսյանի ղեկավարությամբ 2025 թ. սեպտեմբերին վերսկսեց 2018 թ. ընդհատված թիվ 2 դամբարանի պեղման աշխատանքները:
