Պատմամշակութային արգելոց-թանգարանների, հուշարձանների տարածքում գտնվող տեղեկատվական վահանակները ժամանակի ընթացքում եղանակային պայմաններից ելնելով վնասվում են, մաշվում: Հաշվի առնելով այդ հանգամանքը, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը, ժամանակ առ ժամանակ կատարում է վահանակների թարմացման աշխատանքներ:
«Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ը՝ Կամերային երաժշտության ազգային կենտրոնի հետ համատեղ, Ձեզ է ներկայացնում «Ընդհատված աղոթքի բրոնզե արձագանքը» խորագրով բացառիկ ցուցադրություն և համերգ, որը տեղի կունենա Հուլիսի 13-ին «Զվարթնոց» պատմամշակութային արգելոց-թանգարանում:
Հաշվի առնելով վերջին օրերին Նորավանքում տեղի ունեցած դեպքը, ՀՀ ԿԳՄՍ նախարարության հանձնարարությամբ, համաձայնեցնելով Հայ Առաքելական եկեղեցու Վայոց Ձորի թեմի հետ, «Պահպանության ծառայություն» ՊՈԱԿ-ի միջոցներով, Նորավանքի սբ. Աստվածածին (Բուրթելաշեն) եկեղեցու՝ դեպի երկրորդ հարկ տանող աստիճանների մոտ տեղադրվել են արգելող ցուցանակներ։
Եվս մեկ անգամ հիշեցնում, հորդորում և պահանջում ենք՝ չբարձրանալ հուշարձանների պատերին, հետևել ցուցանակների ցուցումներին, դրանով իսկ չվտանգել սեփական կյանքը, առողջությունը։
Հունիսի 25-ին «Զվարթնոց» պատմամշակութային արգելոց-թանգարանում տեղադրվել է վահանակ, որի կենտրոնական մասում ամրացված ապակու վրա տպագրված է տաճարի վերակազմության գծապատկերը, վերջինիս շնորհիվ հնարավոր է պատկերացում կազմել տաճարի ամբողջական տեսքի մասին։
Ի պատասխան լրատվամիջոցներում տարածվող հրապարակումների՝ հայտնում ենք, որ հանրայնացված տեղեկությունների մի մասը ներկայացված է առանց ամբողջական վերլուծության։
Հուշարձանների պահպանության բաժնի աշխատակիցները ՊՄՊ Կոտայքի մարզային ծառայության պետի, Հրազդանի տարածքային համակարգողի և հուշարձանների պահապանի հետ ստուգայց են կատարել Հրազդանի տարածաշրջանի մի շարք խնդրահարույց և դժվարանցանելի հուշարձանների տարածքներում: Այցի ընթացքում կատարվել են հուշարձանների թվայնացման աշխատանքներ:
Հունիսի 19-ին «Զվարթնոց» պատմամշակութային արգելոց-թանգարանը կրկին մարդաշատ էր, առիթը՝ «Հայ խոհարարական ավանդույթների զարգացման և պահպանման» ՀԿ նախաձեռնությամբ կազմակերպված Տոլմայի Համահայկական 11-րդ փառատոնն էր,որն արդեն երրորդ տարին է ինչ անց է կացվում արգելոց-թանգարանի տարածքում:
«Պահպանության ծառայություն» ՊՈԱԿ-ի Ցուցադրությունների և միջոցառումների կազմակերպման բաժնի պետ Արտավազդ Զաքյանի,ՊՈԱԿ-ի տնօրենի տեղակալ Հայկ Դանիելյանի և պ.գ.թ. Բեն Վարդանյանի գլխավորությամբ՝ Վանաձորի պետական համալսարանի պատմության ֆակուլտետի առաջին կուրսի ուսանողները ճանաչողական այց կատարեցին «Մեծամոր» պատմահնագիտական արգելոց-թանգարան:
«Զվարթնոց» պատմամշակութային արգելոց-թանգարանի բացօթյա տարածքում մարտի 29-ից մինչև մայիսի 27-ը շարունակվել են ճարտարապետական բեկորների նույնականացման և հաշվառման աշխատանքները։
