23 տարի առաջ ՅՈՒՆԵՍԿՕ-ի 30-րդ վեհաժողովում (կենտրոնակայանը՝ Փարիզ) որոշում ընդունվեց մարտի 21-ը նշել որպես պոեզիայի միջազգային օր: ՅՈՒՆԵՍԿՕ-ի որոշման մեջ մասնավորապես ասվում էր, որ պոեզիան կարող է պատասխան դառնալ ժամանակակից մարդու առջև ծառացած ամենասուր և ամենախոր հոգևոր խնդիրներին, սակայն դրա համար անհրաժեշտ է պոեզիայի վրա բևեռել հասարակության հնարավորին չափ լայն շերտերի ուշադրությունը:
Մարտի 21-ը գարնանային օրահավասարի օրն է: Հին օրացույցով` Արեգ ամսվա Արեգ օրը նշվում է նաև Հաղթության և Զորության աստված Վահագնի ծնունդը: Ավանդույթի համաձայն, «Արորդիների Ուխտ» կազմակերպության անդամները մարտի 20-ի լույս 21-ի արևածագը դիմավորում են Գառնի տաճարում։ Մարտի 21-ի կեսօրին արդեն «Գառնի» պատմամշակութային արգելոց-թանգարանի տարածքում նրանք նշում են Վահագնի ծնունդը։
Արագածոտնի մարզի Ուշի գյուղից 1 կմ հյուսիս-արևմուտք` բլրի հարավային ստորոտին, որտեղ մինչ օրս պահպանվել են Ք.ա. 2-1 հազ. ամրոց-բնակատեղիի կառույցների մնացորդները, գտնվում է Ս․ Սարգիս վանական համալիրը:
1901-1907 թթ. Խաչիկ վարդապետ Դադյանի նախաձեռնությամբ, Զվարթնոց տաճարի տարածքում իրականացված պեղումների ժամանակ, հայտնաբերվել է ուրարտական Ռուսա Բ թագավորի (Ք. ա. 685–645 թթ.) սեպագիր արձանագրությամբ կոթողը։ Այն այսօր տեղադրված «Զվարթնոց» պատմամշակութային արգելոց-թանգարանի դիմաց՝ պատվանդանի վրա։
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի գրադարանում, որտեղ շուրջ 8000 անուն մասնագիտական գրականություն կա, պահվում է 1896 թ․ Վենետիկի Մխիթարյան միաբանության հրատարակած Նոր կտակարանը (6,0 x 10,0 սմ)։ Հրատարակությունը լավ պահպանված է, տարիներ առաջ փոխվել է կազմը։
ՊՄՊ Արարատի մարզային ծառայության աշխատակիցները խոտածածկույթից մաքրել են «Տափի բերդ» /Գևորգ Մարզպետունու/ ամրոցի ներսի հատվածը, բնակելի և տնտեսական թաղածածկ շինությունները, պարսպի ներսում գտնվող եկեղեցու շրջակայքը /XIII դ./։
