Գրքի հեղինակը Կարինե Մկրտչյանն է:
Հրատարակությունում ներկայացված է Գոշավանքի վանական համալիրը՝ մինչև օրս կատարված ուսումնասիրությունների և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում պահվող XX դարի վավերագրական նյութերի համադրությամբ։
Հունվար-Հունիս ամիսներին՝ մասնաճյուղ «Լոռի բերդ» քաղաքատեղի» պատմամշակութային արգելոցում իրականացված աշխատանքներին ծանոթանալու նպատակով, արգելոց են այցելել «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրենի տեղակալ՝ Հայկ Նավասարդյանը և գիտահետազոտական բաժնի պետ՝ Արգամ Երանոսյանը։
«Պատմամշակութային արգելոց-թանգարանների և պատմական միջավայրի պահպանության» ՊՈԱԿ-ի գիտնական-քարտուղար Ավետիս Գրիգորյանի և ճարտարապետ Նելլի Պետրոսյանի համահեղինակությամբ պատրաստված "SIGNS, MEMORY AND MEDIEVAL FUNERARY STONE CARVINGS IN THE LAKE SEVAN BASIN" հոդվածը լույս է տեսել Ֆլորենցիայի համալսարանի Ճարտարապետության ֆակուլտետի «TRIBELON Journal of Drawing and Representation of Architecture, Landscape and Environment» պաշտոնական գիտական հանդեսում:
«Գլաձոր» պատմամշակութային արգելոց-թանգարան»-ը իր հարկի տակ է համախմբել Գլաձորի միջնակարգ դպրոցի աշակերտներին։ Երեխաները «Յոթ ազատ արվեստ» կրթական ծրագրի միջոցով ծանոթացել են հայ միջնադարյան կրթական համակարգի հիմնական գիտական ու արվեստի ուղղություններին։
27 երկրների ներկայացուցիչներ, Հուշարձանների և տեսարժան վայրերի միջազգային խորհրդի (ԻԿՕՄՕՍ) 2026 թվականի տարեկան համաժողովի շրջանակում, այցելեցին «Զվարթնոց» պատմամշակութային արգելոց-թանգարան։
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը միացել է «Եվրոպական հնագիտության օրեր» համաեվրոպական նախաձեռնությանը։
