ՀՀ տարածքում ամեն տարի միջին հաշվով շուրջ 40-45 մեծ ու փոքր հնագիտական արշավախմբեր են գործում: Դրանց զգալի մասը համատեղ (հայ-ֆրանսիական, հայ-ավստրիական, հայ-իտալական, հայ-լեհական և այլն) միջազգային արշավախմբեր են: ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ն այս տարի կազմակերպել է 3 հնագիտական արշավախմբեր՝ Քանագեղի դամբարանադաշտում, Մեծամոր հնավայրում և Ամբերդ ամրոցում:
2022 թվականի պեղաշրջանի ընթացքում բացի բուն միջնաբերդի տարածքում կատարվող պեղումներից, հնագետները աշխատել են նաև դեպի միջնաբերդ բարձրացող արահետի տարբեր մասերում՝ բացահայտելու ամրոց տանող հին ճանապարհը ։
ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի պահպանության տակ գտնվող՝ «Մայրաքաղաք Դվին» պատմամշակութային արգելոցում, «Զվարթնոց» պատմամշակութային արգելոց – թանգարանում և «Բերդ» արգելոց-թանգարանի կազմում ներառված՝ «Տավուշ ամրոցում» անցկացվել են կրթական միջոցառումներ։
ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի և ՊՄՊ Լոռու մարզային ծառայության աշխատակիցների նախաձեռնությամբ մաքրման աշխատանքներ են իրականացվել Խուճապի վանքում, վանքի տարածքը մաքրվել է բուսաշերտից, աղբից։
ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի հուշարձանների պահպանության բաժնի և ՊՄՊ Սյունիքի մարզային ծառայության աշխատակիցների ջանքերով իրականացվում են Մեղրու տարածաշրջանի աշխարհագրական բարդ, մեկուսացված տեղանքներում գտնվող բերդերի, դիտակետ-աշտարակների օդալուսանկարահանման և թվայնացման աշխատանքները:
Երևան – Արմավիր մայրուղու՝ Տարոնիկ գյուղ տանող ճանապարհին, տեղադրվել է «Մեծամոր» պատմահնագիտական արգելոց֊թանգարան տանող եռալեզու (հայերեն, ռուսերեն, անգլերեն) ցուցանակ։
Կառավարությունը նոյեմբերի 3-ի որոշմամբ ՀՀ կրթության, գիտության, մշակույթի և սպորտի նախարարությանը 8,2 մլն դրամ է հատկացվել Կոտայքի մարզի Բջնի գյուղի Սբ. Աստվածածին եկեղեցու հյուսիսային ավանդատան արտաքին պատի վերականգնման համար։
2022 թվականին ՀՀ ԿԳՄՍ նախարարության թույլտվությամբ մեկնարկել են Թալին քաղաքի Կաթողիկե մեծ տաճարի ամրակայման, վերականգնման աշխատանքները: Վերականգնողական աշխատանքների մեկնարկից առաջ նախաձեռնության հեղինակները ստացել են մասնագիտական խորհրդատվություն եկեղեցում պահպանված որմնանկարների պահպանության վերաբերյալ: Նախաձեռնության հեղինակներ, բարերարներ՝ Վահե և Վիգեն Բադալյանները համագործակցել են, թե՛ հայ որմնանկարների վերականգնող մասնագետների, թե՛ Ռումինիայից ու Ռուսաստանից հրավիրված մասնագետների հետ, որոնց կատարած ակնադիտական ուսումնասիրությունները, մասնագիտական կարծիքները որոշիչ կլինեն վերականգնման աշխատանքներում:
ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի՝ Պատմական միջավայրի պահպանության (ՊՄՊ) Լոռու մարզային ծառայության աշխատակիցների և համայնքի ղեկավարի աջակցությամբ ուղղվել է Լոռու մարզի Վահագնի համայնքում գտնվող հնագույն խաչքարի պատվանդանը։
