31
Կրթական միջոցառումներ պատմամշակութային արգելոցներում
08 Նոյեմբեր 2022
Կրթական միջոցառումներ պատմամշակութային արգելոցներում
ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի պահպանության տակ գտնվող՝ «Մայրաքաղաք Դվին» պատմամշակութային արգելոցում, «Զվարթնոց» պատմամշակութային արգելոց – թանգարանում և «Բերդ» արգելոց-թանգարանի կազմում ներառված՝ «Տավուշ ամրոցում» անցկացվել են կրթական միջոցառումներ։
«Մայրաքաղաք Դվին» պատմամշակութային արգելոց են այցելել Հնաբերդ համայնքի 6-րդ դասարանի աշակերտները, դպրոցի տնօրենի և ուսուցիչների ուղեկցությամբ։ Հնավայրում աշխատող հնագետները աշակերտներին ծանոթացրել են ընթացող պեղումներին, պատասխանել նրանց հուզող հարցերին։
«Զվարթնոց» պատմամշակութային արգելոց – թանգարանը և Վաղարշապատի թիվ 8 հիմնական դպրոցը համատեղ կազմակերպել և անցկացրել են շարադարության մրցույթ ՝ «Հայաստան ասելիս թևերս բացվում են» խորագրով: Մրցույթի հաղթողները հանդես են եկել շարադրությունների ընթերցմամբ և արժանացել խրախուսանքի:
«Տավուշի ամրոցի» պատմությանը, կենցաղին այս անգամ ծանոթացել են Ներքին Կարմիրաղբյուր գյուղի դպրոցի բարձր դասարանի աշակերտները: Կրթկան ծրագրի շրջանակում աշակերտները ունեցել են ծանոթացում-քննարկում, զուգահեռներ են անցկացրել հազարամյա պատմության ու ներկայիս պատմական իրողությունների միջև։
