Պաշտոնական այցով Հայաստանում գտնվող Լիտվայի Սեյմասի փոխնախագահ Անդրիուս Մազուրոնիսը այցելել է «Գառնի» պատմամշակութային արգելոց-թանգարան։ Գառնիի տաճարը տպավորել է Լիտվայի պաշտոնյային՝ հնարավորություն տալով նրան ճանաչել Հայաստանի նաև պատմական ժառանգության կողմը։
Վաղը՝ նոյեմբերի 20-ին, ժամը 19:00-22:00-ը «Զվարթնոց» պատմամշակութային արգելոց-թանգարանի տարածքում կիրականացվի միջոցառում՝ կապույտ լուսային էֆեկտներով։ Միջոցառումը նվիրված է Երեխաների համաշխարհային օրվան, նպատակն է հանրության ուշադրությունը հրավիրել երեխաների իրավունքների հետ կապված արդիական խնդիրների վրա։
Երևան-Սևան մայրուղու վրա գտնվող «Արձագանք» (քանդակագործ՝ Խաչատուր Հակոբյան) և «Անվերջության ժապավեն» (Դավիթ Բեջանյան) քանդակները բազմիցս վանդալիզմի են ենթարկվել։ Ամբողջովին վերականգնում անցած քանդակները պաշտպանելու համար նրանց տարածքներում կներդրվեն անվտանգության ժամանակակից համակարգեր։
«Գառնի» պատմամշակութային արգելոց-թանգարանի տարածքում բարեկարգման աշխատանքներ են կատարվում։ Դեպի Գառնիի տաճար տանող ճեմուղու երկու կողմերում տեղադրվելու են բազալտապատ 24 պատվանդաններ, որոնց վրա կդրվեն հնագիտական նշանակություն ունեցող քարեր և բեկորներ։ Բեկորները բերված են արգելոց-թանգարանի տարբեր մասերից։ Նրանց պատվանդանների վրա տեղադրելու նպատակը նախ՝ այցելուների համար ցուցադրությունն է, երկրորդ՝ քարերը քայքայվելուց պահպանելը։
Հայաստանի Գեղարքունիքի մարզի Կարմիրգյուղ համայնքի տարածքում գտնվող Քանագեղի հնավայրում (հուշարձանը թվագրվում է մ․թ․ա․ 15-14 – մ․թ․ա․ 7-6 դարերով) անցկացվող պեղումների ժամանակ դամբարաններից հայտնաբերվել են անտիկ ժամանակաշրջանի բրոնզե մատանիներ, ապարանջանի մաս, ուլունքներ։
Հայաստանի Արագածոտնի մարզի Կաթնաղբյուր համայնքի տարածքում գտնվող «Զաքարի բերդը» պատմական ամենայուրատիպ հուշարձաններից է, կառուցվել է մ․թ․ա․ 1-ից մ․թ․ 1-ին դարերին։ Բերդը ունեցել է մեծաքանակ խոշոր ամբարներ, քարետաշ մսուրներ, երկար քարե աստիճաններ, հաստ պարիսպներ։ Ամենանշանակալից պեղումները բերդի տարածքում կատարվել են 1990-ականների սկզբին՝ անվանի հնագետ, երջանակահիշատակ Եսայի Ասատրյանի խմբի կողմից։ Այդ ժամանակ բերդի տարածքից գտնվել են հնագիտական մեծարժեք ներկայացնող իրեր։
ՀՀ ԿԳՄՍ նախարար Վահրամ Դումանյանի՝ 15․10․2021 թ․ N 159-Ա/1 հրամանի համաձայն, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրենի պարտականությունների կատարումը 2021 թ․ հոկտեմբերի 15-ից հանձնարարվել է Կազմակերպության մարզային ծառայությունների գծով տնօրենի տեղակալ Արմեն Հովհաննիսյանին,
Հիմք ընդունելով՝ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արա Թարվերդյանի ս․թ․ հուլիսի 14-ի՝ աշխատանքից ազատվելու մասին անձնական դիմումը, ՀՀ ԿԳՄՍ նախարար Վ․ Դումանյանի հրամանով՝ ս․թ․ հոկտեմբերի 14-ից Ա. Թարվերդյանը ազատվել է ՊՈԱԿ-ի տնօրենի պաշտոնից։
