Ամերիկյան ռեալիթի-շոուների աստղ Քիմ Քարդաշյսնն այսօր կեսօրին քրոջ՝ Քորթնի Քարդաշյանի և երեխաների հետ այցելել էր <<Գառնի>> պատմամշակութային արգելոց-թանգարան։ Տեղացի եւ օտարերկրացի այցելուները Քարդաշյանին թանգարանի մուտքի մոտ սպասում էին վաղ առավոտից, թեեւ լուսանկարվել այդպես էլ չկարողացան։
Սեպտեմբերի 29-ին «Լոռի բերդ» քաղաքատեղի» պատմամշակութային արգելոցում անցկացվել է «Բագրատունյաց ժառանգությունը» խորագիրը կրող փառատոն, որին մասնակցել են Կրթության, գիտության, մշակույթի և սպորտի նախարար Արայիկ Հարությունյանը, Տարածքային զարգացման և ենթակառուցվածքների նախարար Սուրեն Պապիկյանը, ԱԺ Իմ քայլը դաշինքի խմբակցության ղեկավար Լիլիթ Մակունցը, ԱԺ պատգամավորներ, տեղացի ու օտարերկրացի այցելուներ։
Լեհաստանի Վրոցլավ քաղաքից ժամանած ճարտարապետները Հայաստան այցի և ապագայում իրականացվելիք ծրագրերի մասին խոսել են ՀՀ կրթության, գիտության, մշակույթի և սպորտի նախարարի տեղակալ Նարինե Խաչատուրյանի հետ հանդիպման ընթացքում։ Նրանք ներկայացրել են Սուդանում , Եգիպտոսում, Լեհաստանում և այլ երկրներում իրենց խմբի իրականացրած աշխատանքները՝ հուշարձանի հետազոտություն, քարտեզագրում, եռաչափ մոդելավորման տարբերակով հուշարձանի վերականգնում։
«Անտեսանելին՝ տեսանելի» կրթամշակութային ծրագրի շրջանակում, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ- մշակութային միջոցառումների կազմակերպման և մարքեթինգի բաժնի աշխատակիցներ Օֆելյա Ղուբաթյանի և Նարինե Ղահրամանյանի ուղեկցությամբ, «Մեծամոր» պատմահնագիտական արգելոց-թանգարան էին այցելել Երևանի Նիկողայող Տիգրանյանի անվան տեսողության խանգարումներ ունեցող թիվ 14 հատուկ դպրոցի աշակերտները։
Մասնագիտությամբ հնագետ և հնագիտության ասպիրանտ Աստղիկ Սիմոնյանն աշխատում է «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում՝ զբաղվում հնագիտական առարկաների (արտեֆակտներ) վերականգնմամբ ու ամրակայմամբ։ Նա մասնագիտացել է խեցեղենի վերականգնման ուղղությամբ։
Նաթանիել Էրբ-Սատուլլոն առաջիկա մեկ շաբաթվա ընթացքում իր հայ գործընկերոջ՝ «Պահպանության ծառայություն» ՊՈԱԿ-ի գիտնական-քարտուղար Աշոտ Փիլիպոսյանի հետ կաշխատի կազմակերպության մասնաճյուղ՝ «Մեծամոր» պատմահնագիտական արգելոց-թանգարանում: Նա կուսումնասիրի Մեծամորի հնավայրի տարածքից հայտնաբերված ուշ բրոնզի ու երկաթե դարաշրջաններով թվագրվող խարամները: Մետաղի լաբորատոր ուսումնասիրությունը Ն. Էրբ-Սատուլլոյի նեղ մասնագիտացումն է: Հնագիտական նյութն ավելի խորը ուսումնասիրելու համար, հետագայում դրանք կուղարկվեն Օքսֆորդի համալսարանի հետազոտական լաբորատորիա:
