Դեկտեմբերի 15-ին, ժամը 14:00-ին «Զվարթնոց» պատմամշակութային արգելոց-թանգարանում նախանշված է «Սենտ Շապելի հարթաքանդակը Զվարթնոց տաճարի վերակազմության ակունքներում» խորագիրը կրող միջոցառումը։
Աշխատանքային տարին ամփոփելուց առաջ «Պահպանության ծառայություն» ՊՈԱԿ-ում ամփոփել են ամենօրյա աշխատանքի ընթացքում ծագած խնդիրները, խոսել՝ դրանց լուծման արդյունավետ ուղղությունների մասին։
Մեծամոր հնավայրի տարածքում այս տարվա սեպտեմբերից պեղումներ են իրականացվում։ Հայ-լեհական արշավախմբի հայկական կողմի ղեկավար, «Պահպանության ծառայություն» ՊՈԱԿ-ի գիտնական քարտուղար Աշոտ Փիլիպոսյանն ասում է, որ հնավայրի դամբարանում իրականացվող պեղումների արդյունքում բացվել է 5 մետր լայնությամբ և 12 մետր երկարությամբ դամբարանախուց՝ կառուցված տուֆի և բազալտի հսկա քարաբեկորներից։ Մոտ 0,8 մետր խորության վրա, խցի կենտրոնում, հայտնաբերվել են երկաթի դարաշրջանով թվագրվող իջեցուք թաղման հետ որպես դամբարանախցի շինանյութ օգտագործված, տուֆե ֆալլոսի և կանացիակերպ կուռքի՝ կնոջ մարմնի վերին մասերի արձաններ։
«Դեկորատիվ-կիրառական և ժողովրդական արվեստի համառուսաստանյան թանգարանի» և Երևանի «Ռուսական Արվեստի թանգարանի» համատեղ կազմակերպած «Համագործակցության ժառանգությունը։ Ավանդույթներ ապագայի համար» ԱՊՀ միջպետական երկարամյա ծրագրի շրջանակում «Զվարթնոց» պատմամշակութային արգելոց-թանգարան էին այցելել ԱՊՀ երկրներից ժամանած ծրագրի մասնակիցները:
«Բջնի ամրոց» պատմամշակութային արգելոցի տարածքում այս պահին, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցների ջանքերով, քառալեզու տեղեկատվական վահանակներ են տեղադրվում։
Արամ Խաչատրյանի անվան տուն-թանգարանում մեկնարկած՝ «Ազգային ոճը։ Ժողովրդական ավանդույթից դեպի պրոֆեսիոնալ արվեստ» խորագիրը կրող գիտաժողովին մասնակցել են ԱՊՀ տարբեր երկրներից ժամանած 40-ից ավելի մտավորականներ։ Այն անցկացվում է Երևանի «Ռուսական արվեստի թանգարանում, «Դեկորատիվ-կիրառական և ժողովրդական արվեստի համառուսաստանյան թանգարանի» հետ համատեղ բացված «Ինչպես է ծնվում գլուխգործոցը» ցուցահանդեսի շրջանակում։
Թումո ստեղծարար տեխնոլոգիաների կենտրոնի սաները ԱՄՆ-ից ժամանած Դեյվին Ղարախանյանի ու Ջեֆ Ուիլկինսի հետ միասին մի քանի օր է ինչ լուսանկարում են Գառնիի տաճարը, ենթահուշարձանները, արգելոց-թանգարանի ողջ տարածքը։ Թումոյի սաները անօդաչու սարքի միջոցով «անմահացնում» են նաև Գառնին վերևից։ Արգելոց-թանգարանի այցելուները այս օրերին նկատել են տաճարի ամեն կադրը լուսանկարող երիտասարդներին / 20 հոգի/, ովքեր խոստովանում են, որ նպատակը՝ Գառնին եռաչափ մոդելավորմամբ ներկայացնելն է։
«Հայաստանի մոռացված պատմամշակութային ժառանգությանը նոր կյանք» ծրագրի շրջանակում «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի թանգարանային առարկաների վերականգնման բաժին-լաբորատորիայի աշխատակիցները օրերս Եղեգնաձորի Երկրագիտական թանգարանում էին։ Գործընկերների հետ միասին ՊՈԱԿ-ի աշխատակիցները առանձնացրել են թվով 15 միավոր հնագիտական առարկա, որոնք բերվել են կազմակերպություն՝ մաքրման, ամրակայման ու վերականգնման համար։
Ս․ թ․ սեպտեմբեր-նոյեմբեր ամիսներին «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Մարքեթինգի և զարգացման ծրագրերի բաժինը կիրականացնի՝ «Անտեսանելին՝ տեսանելի» կրթամշակութային ծրագիրը /ԿԳՄՍ նախարարության պատվերով/։
