Երևանի Արտեմ Միկոյանի անվան թիվ 166 դպրոցը ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի հետ գործակցությամբ կազմակերպել է «Պատմությունը մեր ձեռքերով» խորագրով դասացուցադրությունը: Նախաձեռնության հեղինակը պատմության ուսուցչուհի Լիանա Նազարյանն է:
ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ղեկավարության և գիտամեթոդական խորհրդի համատեղ որոշմամբ, «Պատմամշակութային ժառանգություն» խորագրով պարբերական ժողովածուն ներառում է Հայկական լեռնաշխարհի և հարակից տարածքների պատմամշակութային ժառանգությանը, պատմաճարտարապետական, պատմահնագիտական և պատմամշակութային արգելոցներին ու արգելոց-թանգարաններին, դրանցում պահվող ու ցուցադրվող արտեֆակտներին, ինչպես նաև ոլորտի հայտնի մասնագետների ու երախտավորների բեղուն գործունեությանը նվիրված գիտական, վերլուծական հոդվածներ ու հաղորդումներ:
ԿԳՄՍ նախարարության փորձագիտական հանձնաժողովի 2023 թ․ առաջին նիստում քննարկվել է պատմության և մշակույթի 28 կարևորագույն հուշարձանների պահպանական գոտիների նախագծեր, որոնցից են՝ Երևան քաղաքի Ավան վարչական շրջանում գտնվող «Սբ Աստվածածին».) և «Սբ Հովհաննես» (V-VI դդ.) եկեղեցիները, Շենգավիթ վարչական շրջանի եկեղեցական համալիր Նորագավթի Սբ Գևորգ (Ծիրանավոր Սբ Գևորգ) (IV-VII դդ., XIII-XVII դդ.) եկեղեցական համալիրը, Կոտայքի մարզի Չարենցավան քաղաքի «Վերածնունդ» (1980 թ.) հուշահամալիրը և Ողջաբերդ գյուղի «Չարենցի կամար» հուշարձանը (1957 թ.), Սյունիքի մարզի Հացավան գյուղի «Վասակաբերդ» (V դ.) ամրոցը և այլն:
