Գհուկի վանքը գտնվում է Արզական գյուղից 3-4 կմ հյուսիս-արևմուտք, երկու սարերի միջև ձգվող ձորի վերին մասում, խիտ անտառի մեջ: Վանական համալիրից պահպանվել է միայն կիսավեր եկեղեցին, որը թվագրվում է XIII-XIV դարերով: Այն զույգ որմնամույթերով գմբեթասրահ կառույց է: Եկեղեցին երեք կողմերից, բացի հյուսիսայինից, թաղված է հողի և քարակույտերի մեջ: Արևելյան կողմում կիսաշրջանաձև խորանն է, երկու կողմերում` ավանդատներ: Բեմի շարվածքը իրականացվել է հետագայում` խաչքարերի բեկորներով: Միակ մուտքը արևմտյան կողմից է:
2023 թ. հուլիսի 21-ին «Դաշտադեմ ամրոց» պատմամշակութային արգելոցում կանցկացվի «Զարկ ֆեստ» յարխուշտայի փառատոնը: Ազգային պարին և մշակույթին նվիրված միջոցառումն իր տեսակով առաջին լայնամասշտաբ փառատոնն է Հայաստանում: Հայկական ժողովրդական պարը տեղացիներին և օտարերկրյա զբոսաշրջիկներին կներկայացվի նոր ու ժամանակակից մոտեցումներով: Միջոցառման շրջանակում կլինի նաև ցուցահանդես-վաճառք, որտեղ կներկայացվեն տարածաշրջանի առաջատար տնտեսվարողերը:
Արատեսի վանական համալիրը գտնվում է ՀՀ Վայոց ձորի մարզի Արատես գյուղում: Կիսավեր հուշարձանախումբը բաղկացած է մի քանի մատուռից, Ս. Սիոն (X դ.), Ս. Աստվածածին (XI դ.) եկեղեցիներից և երկու գավիթներից (XIII դ.): Ենթադրվում է, որ հուշարձանի նախնական շինությունը հիմնադրվել է VII դ., թեև ամենահին գրավոր տեղեկությունը վերաբերում է IX դ.:
Նկարում Գեղարքունիքի մարզի Ծովասար գյուղում գտնվող Սբ Գրիգոր Լուսավորիչ եկեղեցին է։ Համաձայն շինարվեստի և ճարտարապետական հորինվածքի վերլուծության թվագրվում է 9-10-րդ դդ․-ով:
