«Պահպանության ծառայություն» ՊՈԱԿ-ի մշակութային միջոցառումների կազմակերպման և մարքեթինգի բաժնի, ՊՄՊ Երևանի մարզային ծառայության համատեղ նախաձեռնությամբ Երևանի Գևորգ Չաուշի անվան թիվ 188 միջնակարգ դպրոցում անցկացվել է «Մեր քաղաքի մշակութային հետքերով» խորագրով վիկտորինա-մրցույթ։
«Պահպանության ծառայություն» ՊՈԱԿ-ի մշակութային միջոցառումների կազմակերպման և մարքեթինգի բաժնի, ՊՄՊ Երևանի մարզային ծառայության համատեղ նախաձեռնությամբ Երևանի Գևորգ Չաուշի անվան թիվ 188 միջնակարգ դպրոցում անցկացվել է «Մեր քաղաքի մշակութային հետքերով» խորագրով վիկտորինա-մրցույթ։
«Մեծամոր» պատմահնագիտական արգելոց-թանգարանի անվտանգության համակարգը վերազինվել է նոր` ժամանակակից տեսախցիկներով: Աշխատանքներն ավարտվել են նախորդ շաբաթ: 16 տեսախցիկներն արդեն արձանագրում են ոչ միայն արգելոց-թանգարանի հարակից տարածքի, այլև` ցուցասրահների շարժը:
ՀԽՍՀ վաստակավոր նկարիչ Գուրոսի (Գուրգեն Պարոնյան) Սյունիքին նվիրված լուսանկարների ալբոմի պատրաստման վրա աշխատող ստեղծագործական խմբի անդամները այս օրերին Սյունիքի մարզում են և արդեն հասցրել են լինել մի շարք գյուղերում, որտեղ ժամանակին Գուրոսը ստեղծել է իր լուսանկարները։
ՀԲԸՄ Հայաստանի պատկերասրահում այսօր տեղի է ունեցել «Թանգարանային էքսպո 2018թ.» ցուցադրության բացումը: Ներկայացված 34 թանգարանները առաջիկա օրերին հնարավորություն կունենան հետաքրքիր ու կրթական ծրագրերով ներկայանալ այցելուներին: Առանձին տաղավարով է ներկայացել նաև «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը, նաև` ՊՈԱԿ-ի մասնաճյուղ «Մեծամոր» պատմահնագիտական արգելոց-թանգարանը:
Շիրակի մարզում 2500-ից ավելի հուշարձան կա: Դրանց պահպանությունը իրականացնում են «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցները: Ոչ միայն պահպանում ու հանրահռչակում են, այլև` բացահայտում մշակույթի նվիրյալներին: ՊՈԱԿ-ի գիտաշխատող Խորեն Գրիգորյանը Շիրակի մարզում դաշտային աշխատանքներից մեկի ժամանակ ծանոթացել է հետաքրքրասեր երիտասարդի հետ: Նեղ մասնագիտական կրթություն չունեցող, բայց ազգագրության մասին բավականին տպավորիչ գիտելիքներ ունեցող Նարեկ Դավթյանը չի վրիպել ՊՈԱԿ-ի գիտաշխատողի աչքից: Հոռոմ գյուղում ապրող համեստ երիտասարդը օրվա հացի փողը վաստակում է առևտուր անելով:
ՊՄՊ Արարատի մարզային ծառայության աշխատակիցների ջանքերով ուղղվել և ամրակայվել են Լուսաշող համայնքից 6 կմ հեռու գտնվող «ԶՆՋՌԼՈՒ» գյուղատեղիում հաշվառված 15-16-րդ դդ. խաչքարեր: Ամրակայման աշխատանքներին ներկա է եղել նաև Լուսաշող համայնքի ղեկավարի պաշտոնակատար Նարինե Գալստյանը: Ամրակայումից հետո մարզային ծառայության պետ Ռոման Կարապետյանը, պետի տեղակալ Անահիտ Դալլաքյանը համայնքի ղեկավարի պաշտոնակատար Նարինե Գալստյանի հետ շրջել են համայնքի հարավարևմտյան մասում գտնվող օտարման ոչ ենթակա գերեզմանատան տարածքում, որտեղ հաշվառված են 9-17-րդ դդ. շուրջ 24 խաչքարեր։ Պայմանավորվածություն է ձեռք բերել խաչքարերը ուղղել և ամրակայել միասնական ուժերով։
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արա Թարվերդյանն աշխատանքային հանդիպում է ունեցել Շիրակի մարզպետ Կարեն Սարուխանյանի հետ: Հանդիպմանը ներկա են եղել նաև ՊՈԱԿ-ի տնօրենի տեղակալ Կարեն Փահլևանյանը, ՊՄՊ մարզային ծառայության պետ Վալերիկ Նազարեթյանը, Շիրակի մարզպետի խորհրդական Վանիկ Սերոբյանը:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արա Թարվերդյանն աշխատանքային հանդիպում է ունեցել Արարատի մարզպետ Գարիկ Սարգսյանի հետ: Հանդիպմանը ներկա են եղել նաև ՊՈԱԿ-ի տնօրենի տեղակալ Կարեն Փահլևանյանը, ՊՄՊ Արարատի մարզային ծառայության պետ Ռոման Կարապետյանը, տեղակալ Անահիտ Դալլաքյանը և Արարատի մարզպետի օգնական Գևորգ Մանուկյանը, տեղակալի օգնական Աշոտ Վարդանյանը։
