Monuments.am

21 Մայիս 2026

Կիրականացվի արդեն ավանդույթ դարձած «Ուդուլի» տոլմայի համահայկական 13-րդ փառատոնը

Պատմամշակութային արգելոց-թանգարանների և պատմական միջավայրի պահպանության ծառայության հետ համագործակցությամբ, 3 տարվա դադարից հետո, կիրականացվի արդեն ավանդույթ դարձած «Ուդուլի» տոլմայի համահայկական 13-րդ փառատոնը / The 13th Pan-Armenian “Uduli” Tolma Festival/։

Մայիսի 24-ին բոլորիդ սիրով հրավիրում ենք «Զվարթնոց» պատմամշակութային արգելոց-թանգարան՝ միասին բացահայտելու հայկական խոհարարական մշակույթի գույներն ու համերը, վայելելու տոնական մթնոլորտը և ձեր ներկայությամբ էլ ավելի գեղեցկացնելու այդ յուրահատուկ օրը։

Միջոցառման ընթացքում հնարավորություն կունենաք վայելել՝

Տոլմայի տասնյակ տեսակներ՝ պատրաստված հնագույն բաղադրատոմսերով, որոնցից օգտվել են դեռևս մեր թագավորներն ու իշխանները։
կենդանի էթնիկ երաժշտություն,
ավանդական ազգային պարերի վարպետաց դասեր,
Զվարթնոց տաճարի խորհրդավոր միջավայրը։

Մուտքն իրականացվում է «Զվարթնոց» պատմամշակութային արգելոց-թանգարանի տոմսերով, որոնք կարող եք ձեռք բերել տեղում կամ նախապես զանգահարելով +374 10 54 55 70 հեռախոսահամարով: