Այս տարի 21 երկրներից մշակութային ժառանգության ոլորտի 30 նշանակալից աշխատանք արժանացել են Եվրոպայի գերագույն պարգևին: Այս տարվա մրցանակակիրների թվում է հայ-ֆրանսիական՝ «Հնագիտական հետազոտություններ՝ ուղղված Երերույքի պահպանությանը» նախագիծը։ «Արմենպրես»-ն այս մասին տեղեկանում է Եվրոպական հանձնաժողովի և Եվրոպա Նոստրայի տարածած հաղորդագրությունից:
Կարպետահյուս անկողնապարկերը լայն տարածում և կիրառություն են ունեցել հայ ժողովրդական մշակույթում և կենցաղում: Դրանք գործածվել են անկողինը պահելու և տեղից տեղ տեղափոխելու նպատակով։
Սևանյան տիպի, միաձույլ լեզվակավոր շեղբով դաշույնը հայտնաբերվել է Սարուխանի «Պալի տակ» դամբարանադաշտից : Դաշույնը ցանցկեն է, սեղանաձև գոտեկապով, ուղղանկյունաձև, ցանցկեն մետաղական կոթառով և կոնաձև ցանցկեն գլխիկով : Շեղբի վերնամասում` լեզվակի վրա, առկա է բրոնզե գամ, որով բռնակն ամրացվել է շեղբին :
2023 թ. հունիսի 9-ին «Գառնի» պատմամշակութային արգելոց-թանգարան են այցելել ԱՄՆ միջազգային զարգացման գործակալության (USAID), ԱՄՆ հանրային ծառայությունները կարգավորող հանձնաժողովների անդամների ազգային ասոցիացիայի (NARUC), ինչպես նաև Կենտրոնական Ասիայի ազգային կարգավորող մարմինների և նախարարությունների շուրջ 30 ներկայացուցիչ:
Մեծամորի ուշբրոնզեդարյան զարգացած մետաղամշակության մասին են վկայում դամբարաններից հայտնաբերված պերճանքի ոսկե առարկաները: Դրանք պատրաստված են դրվագման, զոդման, կաղապարման, գծանախշման, հատիկաշարման և այլ տեխնիկական հնարքների կիրառմամբ: Ոսկե արտեֆակտերի այդ աննախադեպ ծավալը բացատրվում է ինչպես Հայկական լեռնաշխարհի ոսկեբեր հանքավայրերի արդյունավետ շահագործմամբ, այնպես էլ սոցիալ-տնտեսական պայմաններով և քաղաքական հակամարտություններով:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ժանյակի և ժանեկազարդ առարկաների հավաքածուն փոքր է, բայց արժեքավոր:
2023 թվականի մայիսի 1-31-ը, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տոմսային և ոչ տոմսային արգելոցներ և արգելոց-թանգարաններ է այցելել ընդհանուր 85 076 տեղացի և օտարերկրացի զբոսաշրջիկ:
