• 36

Գառնու տաճարի արքունական բաղնիքի խճանկարի վերականգնման երրորդ փուլն ավարտված է

Հոկտեմբերի 16-24-ը «Գառնի» պատմամշակութային արգելոց-թանգարանի բաղնիքի տարածքում Իտալիայի Ֆլորենցիա քաղաքից (Opificio delle Pietre Dure) ժամանած խճանկարի վերականգնողների խումբը «Պահպանության ծառայություն» ՊՈԱԿ-ի վերականգնող մասնագետների հետ միասին իրականացրել է խճանկարի մաքրման և ամրակայման աշխատանքների երրորդ փուլը։Այս փուլում մասնագետների կողմից հեռացվել է 1997-98 թթ․-ին ֆրանսիացի մասնագետների կողմից իրականացված ամրակայման աշխատանքների արդյունքում տեղադրված շերտը։ Ուսումնասիրվել է դրա տակ գտնվող խճանկարի հիմնաշերտը։Իտալացի մասնագետների կողմից կատարվել է խճանկարից և պատերից նմուշառում և ուսումնասիրություն։ Հետազոտությունների մի մասն էլ Իտալիայում են իրականացվելու։Խճանկարի վրա տեղ-տեղ կատարվել է ամրակայում՝ ներարկումների և թրջոցների միջոցով։ Բացված հատվածները ժամանակավորապես ծածկվել են գեոտեքստիլով և ամրակայվել ավազով, առավել վնասված հատվածներում խճանկարի վրա թողնվել է բամբակյա գործվածքը (ամրակայման նպատակով)։ Մաքրվել են նաև խճանկարով սենյակի պատերը։Տարածքում տեղադրվել է երկլեզու (հայերեն և անգլերեն) ինֆորմացիոն վահանակ՝ կատարված աշխատանքների ներկայացմամբ։Նախատեսվում է վերականգնման և ամրակայման աշխատանքների չորրորդ փուլն իրականացնել 2026թ․ գարնանը։Բաղնիքի խճանկարի վերականգնումը իտալացի մասնագեետների ներգրավմամբ մեկնարկել է ս․թ․ ապրիլից։ Միջազգային ճանաչում ունեցող մասնագետները նմուշառումներ էին արել, հետազոտությունների հիման վրա էլ մշակվել է վերականգնման նախագիծն ու տեխնիկան։Երկրորդ փուլն իրականացվել է սեպտեմբերի սկզբին։ Մասնագետները կատարել են խճանկարի չոր և թաց մաքրում, ինչպես նաև որոշ վնասված հատվածների ամրակայում հատուկ նյութերով։

Հոկտեմբերի 16-24-ը «Գառնի» պատմամշակութային արգելոց-թանգարանի բաղնիքի տարածքում Իտալիայի Ֆլորենցիա քաղաքից (Opificio delle Pietre Dure) ժամանած խճանկարի վերականգնողների խումբը «Պահպանության ծառայություն» ՊՈԱԿ-ի վերականգնող մասնագետների հետ միասին իրականացրել է խճանկարի մաքրման և ամրակայման աշխատանքների երրորդ փուլը։

Այս փուլում մասնագետների կողմից հեռացվել է 1997-98 թթ․-ին ֆրանսիացի մասնագետների կողմից իրականացված ամրակայման աշխատանքների արդյունքում տեղադրված շերտը։ Ուսումնասիրվել է դրա տակ գտնվող խճանկարի հիմնաշերտը։

Իտալացի մասնագետների կողմից կատարվել է խճանկարից և պատերից նմուշառում և ուսումնասիրություն։ Հետազոտությունների մի մասն էլ Իտալիայում են իրականացվելու։

Խճանկարի վրա տեղ-տեղ կատարվել է ամրակայում՝ ներարկումների և թրջոցների միջոցով։ Բացված հատվածները ժամանակավորապես ծածկվել են գեոտեքստիլով և ամրակայվել ավազով, առավել վնասված հատվածներում խճանկարի վրա թողնվել է բամբակյա գործվածքը (ամրակայման նպատակով)։ Մաքրվել են նաև խճանկարով սենյակի պատերը։

Նախատեսվում է վերականգնման և ամրակայման աշխատանքների չորրորդ փուլն իրականացնել 2026թ․ գարնանը։



Բաղնիքի խճանկարի վերականգնումը իտալացի մասնագեետների ներգրավմամբ մեկնարկել է ս․թ․ ապրիլից։ Միջազգային ճանաչում ունեցող մասնագետները նմուշառումներ էին արել, հետազոտությունների հիման վրա էլ մշակվել է վերականգնման նախագիծն ու տեխնիկան։