38
Հնավայրից-թանգարան․ վերականգնողի մասնագիտությունը Ա․ Հովհաննիսյանի անվան թիվ 194 դպրոցում
14 Նոյեմբեր 2024
Հնավայրից-թանգարան․ վերականգնողի մասնագիտությունը Ա․ Հովհաննիսյանի անվան թիվ 194 դպրոցում
Լուսանկարում 8-րդ դասարանի աշակերտներն են․ Մասնագիտական կողմնորոշման թեման այնքան է դուր եկել, որ դասամիջոցի զանգն անտեսելով շարունակում են տեղեկություն ստանալ վերականգնող մասնագետից։
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը շարունակում է մասնագիտական կողմնորոշում առարկայի շրջանակում կրթական ծրագրեր իրականացնել։ Թեման՝ «Ընտրի՛ր քո բացառիկ» մասանգիտությունը խորագրով է, հասցեն՝ Երևանի Էրեբունի վարչական շրջանի Արմեն Հովհաննիսյանի անվան թիվ 194 հիմնական դպրոցը։
Ո՞վ է վերականգնողը, ի՞նչ ճանապարհ է անցնում թանգարանային առարկան՝ հնավայրից մինչև ցուցասրահ հասնելը, ինչպե՞ս են վերականգնվում առարկաները՝ աշակերտներին ներկայացրել է հնագետ, վերականգնող Աստղիկ Սիմոնյանը։
Դպրոցի աշակերտները ծանոթացել են առարկաների վերականգմանը՝ բեկորային վիճակից մինչև ամբողջովին վերականգնված թանգարանային վիճակ։
Մասնագիտական կողմնորոշման դասերը շարունակական են, հաջորդը կարող է լինել հենց ձեր կրթօջախը։
Առաջարկների համար կարող եք զանգահարել ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ։
Հեռախոս՝ +374 (10) 58-74-25։
