44
Դասախոսություն ԵՊՀ-ում «Հուշարձանապահպանություն. երիտասարդության ներուժը» թեմայով
19 Ապրիլ 2024
Դասախոսություն ԵՊՀ-ում «Հուշարձանապահպանություն. երիտասարդության ներուժը» թեմայով
Երևանի պետական համալսարանի պատմության ֆակուլտետում «Պահպանության ծառայություն» ՊՈԱԿ-ի աշխատակիցները Հուշարձանների և տեսարժան վայրերի միջազգային օրվան նվիրված «Հուշարձանապահպանություն. երիտասարդության ներուժը» թեմայով դասախոսություն են անցկացրել։
Դասախոսության նպատակը երիտասարդության ներուժը բացահայտելն ու օգտագործելն էր հուշարձանապահպանության ոլորտում։
«Պահպանության ծառայություն» ՊՈԱԿ-ի Հուշարձանների պահպանության բաժնի աշխատակիցները ներկայացրել են, թե ինչ է հուշարձանը, ինչպես է իրականացվում դրանց պահպանությունը։
Քննարկվել են հուշարձանների պահպանությանը վերաբերող մի շարք խնդիրներ, դրանց լուծման հնարավոր տարբերակներ։
ԵՊՀ պատմության ֆակուլտետի դեկան Մխիթար Գաբրիելյանը կարևորել է նման քննարկումների դերը և պայմանավորվածություն է ձեռք բերվել հետագայում շարունակելու համագործակցությունը։
