Monuments.am

29 Օգոստոս 2025

Ամբերդի ամրոցում շինարարական աշխատանքները շարունակվում են։

Մաքրվում է դարերի ընթացքում կուտակված հողաշերտը։ Նպատակը հիմքերի ամրակայումն է։ Հյուսիսային պարսպապատի ներքին ճակատում արդեն տեսանելի են պարսպի վրա բարձրացող քարե աստիճանները։

ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանն ու «Պահպանության ծառայություն» ՊՈԱԿ-ի տնօրեն Արմեն Հովհաննիսյանը շրջայց են կատարել «Ամբերդ ամրոց» պատմամշակութային արգելոց, ծանոթացել աշխատանքների ընթացքին։