40
Վտանգված հուշարձանների մշտադիտարկումը Տավուշի մարզում
19 Սեպտեմբեր 2022
Վտանգված հուշարձանների մշտադիտարկումը Տավուշի մարզում
«Պահպանության ծառայություն» ՊՈԱԿ-ի Հուշարձանների պահպանության բաժնի աշխատակիցները սեպտեմբերի 8-9-ը Պատմական միջավայրի պահպանության (ՊՄՊ) Տավուշի մարզային ծառայության աշխատակիցների հետ իրականացրել են Տավուշի մարզի մի շարք սահմանամերձ համայնքների՝ պահպանվածության առումով առավել վտանգված հուշարձանների մշտադիտարկման աշխատանքներ։
Համատեղ այցի ընթացքում ուսումնասիրվել է Այգեհովիտի Սրվեղի վանական համալիրի, Աճարկուտի Առաքելոց վանական համալիրի և «Սրանոցի» կամրջի, Բերդավանի Ղալինջաքար ամրոցի և Ս. Նշան եկեղեցու, Կողբի Մշկավանք վանական համալիրի վիճակը:
Այցի ընթացքում քննարկվել են հուշարձանների պահպանվածության բարելավմանն ուղղված հնարավոր տարբերակներ:
