Monuments.am

17 Ապրիլ 2023

Ճանաչել, պահպանել, ժառանգել․ միջոցառում Երևանի Նիկոլ Աղբալյանի անվան թիվ 19 հիմնական դպրոցում

ԿԳՄՍՆ «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի Հուշարձանների պահպանության բաժնի պետ Վ․ Իսահակյանի նախաձեռնությամբ Երևանի Նիկոլ Աղբալյանի անվան թիվ 19 հիմնական դպրոցում անցկացվել է բաց դաս միջոցառում նվիրված Հուշարձանների և տեսարժան վայրերի միջազգային օրվան։

6-րդ դասարանի աշակերտներին ներկայացվել է օրվա խորհուրդը, ՊՈԱԿ֊ի գործունեությունը, ինտերակտիվ ձևով ներկայացվել են արգելոցները, հուշարձանների տեսակները, նաև հուշարձանների պահպանության ոլորտի հետ կապված մասնագիտությունները։

Դասասենյակից դուրս բաց դասը շարունակվել է դպրոցի բակում՝ Մաշտոցի դիմաքանդակի մոտ և Ազատության հրապարակում, որտեղ աշակերտները ներկայացրել են հուշարձաններին նվիրված նյութեր։