• 29

Կոտայքի մարզի վերականգնված հուշարձանները պատկերաշարով

Ինչի հետևանքով կարող են վնասվել հուշարձանները։ Ինչպես են վերականգնվում։ Որոնք են Կոտայքի մարզի վերականգնված հուշարձանները։

Հարցերի քննարկումով  ակտիվ էր «Հրազդանի երկրագիտական թանգարանը»։

ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը կրթական ծրագրով այս անգամ «Հրազդանի երկրագիտական թանգարանում» էր, թեման «Կոտայքի մարզի վերականգնված հուշարձաններն» էին։

Նախաձեռնության նպատակը պատմամշակութային հուշարձաններին, դրանց պատմությանը ծանոթացնելն էր։

Կրթական ծրագրում ընդգրկված էին Հրազդան համայնքի թիվ 1 ավագ դպրոցի, Հրազդանի 4-րդ հիմնական դպրոցի և Հրազդանի տարածաշրջանային պետական քոլեջի սովորողները։
Ինտերակտիվ դասախոսության միջոցով «Պահպանության ծառայություն» ՊՈԱԿ-ի Հուշարձանների պահպանության բաժնի մասնագետ Անի Ավետիսյանը ներկայացրեց Կոտայքի մարզի  Ձագավանք, Կապտավանք, Սբ․ Աստվածածին, Սբ․ Սարգիս, Մաքրավանք, Գառնիի տաճար և այլ վերականգված հուշարձանների վերականգնման պատմությունը, հուշարձանը  վերականգնումից առաջ և հետո։

Ամրապնդող հարցերի միջոցով սովորողները պատասխանեցին հուշարձաններին վերաբերող հարցերին։

Դասախոսությունը ամփոփվեց մրցույթ-վիկտորինայով։

Հաղթող դասարանն անվճար կայցելի «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնաճյուղ «Մեծամոր» պատմահնագիտական արգելոց-թանգարան։