34
Ուսումնասիրություններ նոր լույսի ներքո
20 Մայիս 2023
Ուսումնասիրություններ նոր լույսի ներքո
«Թանգարանների գիշեր» համաեվրոպական միջոցառման շրջանակում «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի կողմից Օրբելյանների (Սելիմի) քարավանատանը իրականացված պեղումներից հայտնաբերված գտածոները ցուցադրվել են «Գլաձորի համալսարան» պատմամշակութային արգելոց-թանգարանում:
«Պահպանության ծառայություն» ՊՈԱԿ-ի Ցուցադրությունների և միջոցառումների կազմակերպման բաժնի աշխատակիցները ներկայացրել են հնագիտական իրերը, քարավանատան ունեցած դերը միջազգային առևտրում:
Միջոցառմանը մասնակցել են դպրոցականներ, Եղեգնաձորի գեղարվեստի դպրոցի աշակերտներ:
«Ուսումնասիրություններ նոր լույսի ներքո» խորագիրը կրող միջոցառումը իրականացվել է Պահպանության ծառայություն» ՊՈԱԿ-ի, «Գլաձորի համալսարան» արգելոց-թանգարանի, ՊՄՊ Վայոց ձորի մարզային ծառայության և «Սմբատաբերդ» պատմամշակութային արգելոց գործակցությամբ:
