45
Գառնու տաճարի արքունական բաղնիքի խճանկարի վերականգնման երկրորդ փուլն ավարտված է
08 Սեպտեմբեր 2025
Գառնու տաճարի արքունական բաղնիքի խճանկարի վերականգնման երկրորդ փուլն ավարտված է
Սեպտեմբերի 1-ից 7-ը «Գառնի» պատմամշակութային արգելոց-թանգարանի բաղնիքի տարածքում Իտալիայի Ֆլորենցիա քաղաքից (Opificio delle Pietre Dure) ժամանած խճանկարի վերականգնողների խումբը «Պահպանության ծառայություն» ՊՈԱԿ-ի վերականգնող մասնագետների հետ միասին իրականացրել է խճանկարի ուսումնասիրման, մաքրման և ամրակայման աշխատանքների երկրորդ փուլը։
Լավագույն մասնագետներն իրականացրել են խճանկարի չոր և թաց մաքրում, ինչպես նաև որոշ վնասված հատվածների ամրակայում հատուկ նյութերով։ Խճանկարի առավել վնասված հատվածներ ամրակայվել են բամբակյա գործվածքով՝ մինչ աշխատանքների երրորդ փուլի սկիզբ: Նախատեսվում է հաջորդ փուլն իրականացնել հոկտեմբերի երկրորդ կեսին՝ որոշ ուսումնասիրություններ կատարելուց հետո:
